Wabrum Türkmenistanyň ilkinji halkara derejesindäki marketpleýs platformasyny işe girizmek üçin işgärleriň kabul edilýändigi barada habar berýär
15.08.2025 | 15:55 |
Halkara derejeli söwda onlaýn platformasy Wabrum.com giň gerimli ösüş meýilnamasyna başlap, Türkmenistanyň ilkinji dünýä derejesindäki marketpleýsi döretmek üçin hünärmenler toparyny düzýär.
Işgärleri kabul edişligiň çäginde dürli ugurlar boýunça 16 sany boş iş orny açyk:
Logistika we ammar: eltip berijiler (2), ammar işgärleri (4)
Müşderi hyzmaty: jaň merkeziniň operatorlary (2), satyjy-geňeşçiler (3)
Dolandyryş we ösüş: satyjylar bilen işlemek boýunça menejerler (2), IT hünärmeni (1), marketing hünärmeni (1), SMM hünärmeni (1)
Işgärleri saýlap almak işi üç tapgyrda geçirilýär: onlaýn şahsy maglumat skriningi, telefon söhbetdeşligi we Maslahatly çözgüt edara binasynda geçirilýän jemleýji söhbetdeşlik.
Kompaniýa IT ulgamynda hünär ýoluny ösdürmek, bäsdeşlik ukybyna eýe zähmet haky, e-commerce hünärmenlerinden okuw we häzirki zaman tehnologiýalary bilen işlemek mümkinçiliklerini hödürleýär. Üstünlikli dalaşgärleriň ählisi işe ýerleşmezden ozal hünär başarnyklaryny ösdürmek boýunça mugt ussatlyk sapaklaryna gatnaşarlar.
Dalaşgärlere bildirilýän talaplar:
Aragatnaşyk başarnyklary
Türkmen we rus dillerini bilmek
E-commerce ulgamynda ösüşe taýynlyk
Hünär taýdan ösüşe ymtylmak
Arzalary wabrum.com/job saýtynda tabşyryp bilersiňiz.
