Biz ýakynlaşmagy ugur edinýäris

ICQ - ulanyjylary mähir bilen oňa «aska» diýýärler. Dogry aýdanyňda, bu dünýäniň halaýan häzirki zaman mesenjerleriniň nesillerinden biri hasaplanýar. Ol çärýek asyr mundan ozal peýda boldy we bar bolan ýyllarynyň dowamynda habarlaşmak üçin durnukly aragatnaşyk platformasy bolmak bilen bir hatarda birnäçe gezek «täzeden döremegi» başardy.

ICQ türkmen ulanyjylaryna-da «gaýdyp geldi» we derrew ýurdumyzyň internet gurşawynda pugta ýerleşdi. ORIENT eýýäm bu mesenjeriň esasy artykmaçlyklary we kemçilikleri barada okyjylara gürrüň beripdi. Emma görnüşi ýaly, bu häzirki zaman «önümiň» henizem «syrlary» bar we «bihabar» ýa-da entek ösmedik ulanyjylaryň bilmeýän köp dürli funksiýalary we aýratynlyklary bar.

Şeýlelik bilen, askanyň göze ilmeýän funksiýasyny hödürlemek isleýäris. Siz olar bilen ýakyndan «tanyşandan soň» aragatnaşygyňyz has gyzykly we käbir ýerlerde hatda peýdaly bolup biler.

Stikerleri dörediň we iberiň

ICQ-niň bu aýratynlygy barada az adam bilýär – öz stikerleriňizi döretmek, redaktirlemek we birnäçe ädimde ýerleşdirmek ukyby: habaryň tekst giriş meýdanynda ýerleşýän «Emoji we stikerler» nyşanyna basyň, şondan soň aşakgy sag burçda «goşmak» nyşany peýda bolar we stikerleriň we emojileriň katalogy peýda bolar. Ekranyň ýokarky böleginde «Öz stikerleriňizi dörediň» meýdançasy bolar. Şoňa basyň we kömekçi bot bilen söhbetdeşlige geçiň. Hut şol hem awtorlyk stikerlerini we emojiýalary döretmäge kömek eder.

4 GB çenli faýllary ibermek

Hawa, hawa, ICQ arkaly 4 gigabaýtly dürli faýl iberip bilersiňiz – hatda film we seriallar bolup biler. Esasan hem bu aýratynlyk, wideo-kontent köpçülikleýin kanalyny açmagy meýilleşdirýänler üçin has peýdalydyr. Işläp düzüjiler surat we wideo faýllaryny ygtybarly geçirmegiň mümkinçiliklerini üns bilen işlediler, şonuň üçin faýllary ibermek we giňeltmek hil taýdan ýitgisiz diýen ýaly ýerine ýetiriler.

IOS ulanyjylary üçin giňeldilen hakykat täsiri wideo jaňlarynda maskalaryň we süzgüçleriň kömegi bilen

Çalt täzelenmeler döwründe dürli tehnologiki çözgütler ICQ-e birleşdirildi, köpüsi şol döwürde ösen hasaplandy. Ondan iPhone-yň ulanyjylary lezzet alyp bilerler. Wideo jaňlary wagtynda, «Snapchat»-daky ýaly süzgüçleri we maskalary ulanyp bilersiňiz. Şeýle funksiýa ICQ-iň öňki wersiýalarynda bolup, indi, elbetde, bu hiç kimi geň galdyrmaz. Şonuň üçin bu funksiýa programmada aýryldy. Ýöne käbir kompýuter ulanyjylarynda gowy köne maskalary synap görmek mümkinçili bar.

Açar söze görä gözleýji

Dogry habary tapmak üçin tükeniksiz ýazyşmalary barlamak ýerine, gözleýji arkaly açar sözleri ulanyp tapmak ýeterlikdir. Boş gözleg meýdanynda tapmaly SMS-iň bir bölegini ýazmak ýeterlikdir we sözüň doly manysynda ilkinji nyşanlara gireniňizden soň takmynan opsiýalaryň görkezmeleri peýda bolar.

Söhbetdeşiň adyny üýtgetmek ukyby

Bu ýönekeý funksiýa ýaly bolup görünýär, ýöne söhbetdeşiň telefon kitabynda nädip ýazylandygy barada maglumat bermek islemeýänler üçin elbetde möhümdir. Mysal üçin, kontaktlaryňyzda «Myrat şkaflar» diýip şertli ýazan mebel öndürijiňiz, sitirläniňizde ýa-da anyk habaryna jogap bereniňizde telefonyňyzda haýsy at bilen bellenedigini hökman görer. Munuň ýüze çykmagynyň öňüni almak üçin kontaktyň profiline girip, ýokarky sag burçdaky üç nokada basyp, «Adyny üýtgetmek» funksiýasy arkaly söhbetdeşiňizi täze at ýa-da lakam bilen bellige alyp bilersiňiz. Indi göwne degmezlik üçin biriniň adyny üýtgetmek hökman däl.

Ses habarynyň tekst ýazgysy

Käbir ulanyjylar woýslary (ses habarlary) alanda, käwagt olary diňläp bilmeýärler we şonuň üçin olary soňa süýşürýärler we köplenç bolşy ýaly ýatdan çykarýarlar. Netijede, söhbetdeş äsgerilmeýär. Munuň ýüze çykmazlygy üçin ICQ ses habarlaryny tekstli okamagyň mümkinçiligini ýada salýar. Woýs meýdanynda «Аа» bar. Bu söhbetdeşiňiziň näme gürläp ugradanyny anyklamaga mümkinçilik berýän funksiýa. Mundan başga-da, otagda ýeke däl bolsaňyz we sesli SMS diňlemek islemeseňiz gaty amatly.

Habar tekstini we habarnamany iberijini ýapyň

Bu şahsy habarlaşma geçirmeýänler üçin, ýöne şol bir wagtyň özünde ýazyşmalarynyň gizlinligini alada edýänler üçin peýdaly. Sebäbi sms-däki habarnamalaryndaky ulanyjynyň adyny we tekstiň başlangyç böleklerini özge gözler telefon ekranyna seredip «söhbetdeşligiňi» görüp biler. Bu ajaýyp pursatdan gaça durmak üçin döredijiler sazlamalarda SMS-iň gizlinligini sazlamagy maslahat berýärler. «Teksti gizlemek» funksiýasyny belläp, habaryň görnüşiniy gizläp bilersiňiz we «Iberijini gizläň» -i saýlap, söhbetdeşiň adyny gizläp bilersiňiz.

Köpçülikleýin we toparlaýyn jaňlar

ICQ-iň kömegi bilen köp sanly tomaşaçy gatnaşýan doly hukukly konferensiýa ýa-da sapak gurap biljekdigiňize az adam bilýändir. Yönekeý ulanyjylaryň hiç biri topar jaňlary wagtynda söhbetdeşleriň gurşawyny takyk kesgitläp bilmeýär we olaryň sany 30-a ýetip biler we munuň bilen hem çäklenmän biler. Söhbetdeşlige gatnaşyjylaryň sany 100 adam, hatda ondanam köp hem bolup biler. Ýörite baglanyşyk arkaly şeýle uly söhbetdeşligi ýygnap bilersiňiz. Kompýuterdäki ICQ ulanyjylary üçin 500 diňleýji we bir çykyş edýän bilen leksiýa guramak mümkin bolan webinar funksiýasy göz öňünde tutulýar.

Ýerleşýän ýeriňiz barada maglumat ibermek

Häzirki zaman dilinde oňa Geolokasiýa diýilýär. ICQ hem bu barada aladasyny etdi: «Berkitmek» bölüminde ýerleşýän kartadaky ýeri ibermek funksiýasyny ulanyp, söhbetdeşiňize nirededigiňizi tiz habar berip bilersiňiz.

Hemmesi şundan ybarat bolaýsa gerek. ORIENT diňe habarlaşmagy aňsat we gyzykly etmek üçin mesenjeriň ähli peýdaly aýratynlyklaryny we funksiýalaryny barlap görmegiňizi we öwrenmegiňizi maslahat berýär.

Arslan Mamedow

Foto: IXBT.com