Biz ýakynlaşmagy ugur edinýäris

Aşgabat, 27-nji mart. / ORIENT / – 27-nji martda Türkmenistanda Ýewropa Bileleşiginiň we Merkezi Aziýa ýurtlarynyň 20-nji ministrler derejesindäki duşuşygynyň geçirilmegi bilen baglanyşykly Türkmenistanyň paýtagty üns merkezinde bolar. Şunuň bilen baglylykda, Aşgabat ÝB-niň aşary işler we howpsuzlyk syýasaty boýunça ýokary wekili, Ýewropa Komissiýasynyň wise-prezidenti Kaýa Kallasy garşy alýar.

Ministrler derejesindäki duşuşyga Gyrgyzystanyň, Täjigistanyň, Türkmenistanyň, Özbegistanyň we Gazagystanyň daşary syýasat edalarynyň ýolbaşçylary gatnaşar. Ara alyp maslahatlaşmagyň esasy mowzuklary 3-4-nji aprelde Samarkantda geçiriljek ÝB-Merkezi Aziýa sammitine taýýarlyk işleri, şeýle hem häzirki geosyýasy ýagdaýyň sebitleýin täsiri, ulag we sanly aragatnaşygyň ösüşi, energetika, suw serişdeleri, söwda, bilim we ylym hyzmatdaşlygy ýaly köp sanly meseleler bolar.

ÝB-niň ýokary wekili Kaýa Kallasyň Aşgabatda geçiriljek ikitaraplaýyn duşuşyklarynyň meýilleşdirilen meýilnamasy aýratyn ähmiýete eýe. Ministrler derejesindäki duşuşykdan öň Türkmenistanyň Prezidenti Serdar Berdimuhamedow we Türkmenistanyň Daşary işler ministri Raşid Meredow bilen gepleşikler geçirer.

Ministrler derejesindäki duşuşykdan soň ÝB-niň ýokary wekiliniň gatnaşmagynda metbugat ýygnagy geçiriler. Duşuşykdan soň bilelikdäki beýanatyň hem çap edilmegine garaşylýar.

Kaýa Kallasyň sebite amala aşyrýan sapary, şeýle hem ýokary derejeli ikitaraplaýyn duşuşyklary üçin Özbegistana we Gazagystana saparlaryny hem öz içine alýar. Aşgabatdan ÝB-niň ýokary wekili Daşkende bolup, Özbegistan Respublikasynyň Prezidenti Şawkat Mirziýoýew we Özbegistanyň Daşary işler ministri Bahtiýor Saidow bilen duşuşar. Soňra Kaýa Kallas Almaty şäherinde bolup, ol ýerde 28-nji martda, anna güni Gazagystanyň Daşary işler ministri Murat Nurtleu bilen duşuşar. Şeýle hem onuň Gazagystanyň Prezidenti Kasym-Žomart Tokaýew bilen ikitaraplaýyn duşuşygy geçiriler.

Foto: gettyimages