Biz ýakynlaşmagy ugur edinýäris

2025-nji ýylyň ilkinji ýedi aýynyň jemine görä, Çunsin şäheriniň (Günorta-Günbatar Hytaý) Türkmenistan bilen söwda dolanyşygy 193,3 göterim ýokarlanyp, 43,9 million ýuana ýetdi. Bu maglumatlary Çunsin gümrük gullugy getirýär diýip, «Sinhua» agentligi habar berýär.

Umuman, Çunsin şäheriniň Merkezi Aziýa ýurtlary bilen daşary söwdasy 90 göterim artdy we bu ösüş ösüp barýan bazarlaryň arasynda iň ýokary görkeziji boldy. Mysal üçin, Latyn Amerikasy, Ýakyn Gündogar we Afrika ýurtlary bilen haryt dolanyşygyndaky ösüş görkezijileri has pes boldy.

Sebit ýurtlary boýunça iň uly ösüş görkezenler:

Täjigistan bilen — +319,3% (105,43 mln ýuan),

Gyrgyzystan bilen — +158,9% (1,09 mlrd ýuan),

Türkmenistan bilen — +193,3% (43,9 mln ýuan),

Gazagystan bilen — +70,8% (1,93 mlrd ýuan),

Özbegistan bilen — +63,3% (899,13 mln ýuan).

Çunsin Hytaýyň möhüm senagat merkezleriniň biri bolup, noutbuklaryň, motosikl ulaglarynyň we ykjam telefonlaryň eksportynda ýurduň öňdäki orunlaryny eýeleýär.

Foto: vecherka.tj