Bakudaky Ýyldyzlar alleýasynda Muslim Magomaýewiň hatyrasyna atlandyryljak ýyldyz mynasyp orun eýelär Orient

Bakudaky Ýyldyzlar alleýasynda Muslim Magomaýewiň hatyrasyna atlandyryljak ýyldyz mynasyp orun eýelär

15.08.2023 | 01:54 |

Bakudaky Sea Breeze Walk of Famе ýyldyzlar alleýasynda SSSR-iň Halk artisti, meşhur aýdymçy we millionlarça adamyň söýgüsine mynasyp bolan Muslim Magomaýewiň ýagty ýadygärligini müdimileşdirjek ýyldyz peýda bolar. Ýyldyzy goýmagyň dabaraly çäresi 21-nji awgustda geçiriler – diýip, "Moskwa-Baku" habar berýär.

Dabaraly çärä artistiň ýanýoldaşy, sowet we rus opera aýdymçysy Tamara Sinýawskaýa gatnaşar.

"Baku Ýyldyzlar seýilgähiniň taslamasyny Muslim Magomaýewsiz göz öňüne getirmek asla mümkin däl" - diýip, azerbaýjanly tanymal telekeçi we aýdymçy Emin Agalarow aýtdýar. Ýeri gelende, Moskwada Şöhrat seýilgähini döretmek pikiriniň hem Agalarowa degişlidigine bellemelidiris. Ol ýerde Magomaýewiň ýyldyzy 2010-njy ýylda peýda bolupdy.

Musulman Magomaýew 2008-nji ýylda aradan çykdy. Ady rowaýata öwrülen artist heniz ýaşap ýörkä özboluşly, aşa köp taraplaýyn zehiniň eýesi hökmünde taryha girdi. Onuň çuň, mahmal tembrli owadan, güýçli sesi folklordan başlap, jaza, operadan başlap, häzirkizaman aýdymlaryna çenli islendik repertuarda ajaýyplygy bilen diňleýjileri özüne bendi edýärdi. Ajaýyp wokal ussatlygy, aýdym aýtmak we aktýorlyk zehini – bularyň hemmesi Magomaýewi sungat ussady derejesinde ykrar edilmegini üpjün etdi.

Sea Breeze Walk of Famе Ýyldyzlar alleýasy Azerbaýjanda ýurduň we dünýäniň meşhur sungat işgärlerine, sazandalaryna we beýleki döredijilik şahsyýetlerine bagyşlanan şöhrat seýilgähi hökmünde tanalýar. Ozal Baku Ýyldyzlar alleýasynda iňlis aýdymçysy Engelbert Humperdink we gruzin aýdymçysy Nani Bregwadze ýaly meşhur ýerine ýetirijiler öz hormatyna ebedileşdirilen ýyldyzlary açmaga gatnaşypdylar.

ORIENT news