Biz ýakynlaşmagy ugur edinýäris

Halkara Küşt Federasiýasynyň (FIDE) Geňeşi 10 ýaşly Russiýaly Roman Şogdjiýewe, dünýäniň iň ýokary derejesi bolan grossmeýster derejesiniň öň ýanyndaky halkara ussat derejesini resmi taýdan berdi. Bu waka dünýä rekordydyr we degişli resminamalar Ginnesiň Rekordlar Kitabyna hem-de Russiýanyň Rekordlar Kitabyna iberiler.

2025-nji ýylyň maý aýynda, Romanyň 10 ýaşy 3 aýy 21 güni dolanda, ol bu abraýly derejäni almak üçin zerur bolan üç normatiwi ýerine ýetiren iň ýaş küştçi boldy. Öňki rekord argentinaly Faustino Oro degişlidir, ol 2024-nji ýylda halkara ussat derejesini 10 ýaş 8 aý 16 günlükde aldy.

Roman Şogdjiýewiň bu ilkinji rekordy däldir. 2024-nji ýylyň dekabrynda, 9 ýaş 10 aý 7 günlük wagtynda, ol küşt taryhynda halkara ussatlyk derejesiniň ilkinji normasyny ýerine ýetiren iň ýaş küştçi boldy we Faustino Orodan bir aý öňe geçdi. Bu rekord Belgrad şäherindäki RadnickiChess IM ýaryşynda goýuldy. Şol bir wagtda, Roman dünýäde 10 ýaşa ýetmänkä Elo reýtinginde 2300 baldan geçen taryhdaky üç küştçiniň biri boldy (Elo reýtingi oýunçynyň güýjüni ölçemek üçin ulanylýar).

Şogdjiýew küşt dünýäsiniň ünsüni entek sekiz ýaşyndaka, 2023-nji ýylda geçirilen rapid we blitz görnüşli dünýä çempionatynda bäş grossmeýsteri ýeňende çekdi. Onuň zehini dünýä çempiony Magnus Karlsen tarapyndan hem bellenildi. Ol metbugata şeýle diýdi: «Bu çagalar güýçli! Men haýran galdym. Gyzykly zat: belki, biz ony birnäçe ýylyň içinde dünýäniň iň güýçli küştçileriň arasynda göreris».

Romanyň dünýä derejesinde ykrar edilmeginiň ýoly ir başlady. 2021-nji ýylda, ol diňe 6 ýaşyndaka, YouTube sahypasynda 2,7 million tomaşaçy toplap, wideo arkaly öz ukybyny görkezdi.

ORIENT

Foto: habr.com