Biz ýakynlaşmagy ugur edinýäris

Türkmenistan sanly geljege tarap batyrlyklaryň bilen barýar we ulag ulgamy munuň aýdyň mysalydyr. Döwlet we hususy kärhanalar awtoulag dolandyryşyny amatly, takyk we netijeli etmek üçin häzirki zaman IT çözgütlerini saýlaýarlar. Olaryň arasynda iň uly isleg bildirilýän ulgamlaryň biri — HJ Akylly Tilsimat kompaniýasy tarapyndan işlenip düzülen AT Logistika ulgamydyr.

AT Logistika ulgamy arkaly kärhanalar awtoulaglaryň hereketini, ýangyç sarp edilişini, marşrutlary we duralgalary hakyky wagtda yzarlap, islendik üýtgeşmelere derrew habardar bolup bilýärler. Bu diňe bir gözegçilik däl — bu dolandyryşyň täze derejesidir.

Ulgamyň ulanylyş ugurlary

AT Logistika dürli ykdysady pudaklarda netijeliligi ýokarlandyrýar:

Ekerançylyk: Tehnikiň meýdanlarda işini doly gözegçilikde saklamak, netijeliligi seljermek we ýangyjyň maksatsyz sarp edilişiniň öňüni almak;

Gurluşyk we energetika: Agyr tehnikalaryň dolandyrylyşy, iş wagtynyň hasaba alynmagy, ýangyç doluşyna gözegçilik;

Kommunal hyzmatlar we şäher gulluklary: Kommunal awtoulaglaryň hereketiniň yzarlanmagy, marşrutlaryň we meýilnamalaryň seljerilmegi;

Saglygy goraýyş: Sanitar ulaglarynyň gözegçiligi, dermanlaryň daşalmagy wagtynda temperaturanyň kadada saklanylmagy;

Logistika we eltip bermek: Marşrutlaryň optimizasiýasy, wagtyň ýitgisiniň azaldylmagy, ýüküň howpsuzlygynyň üpjün edilmegi.

Kärhanalar üçin peýdalar

AT Logistika ulgamyny girizen kompaniýalar aşakdaky peýdalary alýarlar:

Ýangyç tygşytlamak;

Sürüjileriň tertipliliginiň ýokarlanmagy;

Awtoulaglara hyzmat çykdajylarynyň azaldylmagy;

Awtomatlaşdyrylan hasabatlar;

Marşrutdan çykmalara çalt reaksiýa.

AT Logistika diňe bir hereket edýän nokatlary görkezýän karta däl — bu çykdajylary azaltmaga we netijeliligi ýokarlandyrmaga kömek edýän dolandyryş ulgamydyr.

HJ Akylly Tilsimat kompaniýasy enjamlar gurnamasyny, ulgamy sazlamagy we işgärleriň taýýarlygyny üpjün edýär. Ähli çözgütler ýerli kanunçylyga we pudak aýratynlyklaryna laýyklykda uýgunlaşdyrylýar. Ulgam türkmen we rus dillerinde doly goldaw bilen üpjün edilýär we islendik kärhananyň aýratynlyklaryna görä sazlanyp bilýär.

Ulag monitoringi boýunça häzirki zaman tehnologiýalar ösüşiň we üstünlikli dolandyryşyň möhüm guralyna öwrülýär. AT Logistika ulgamy eýýäm tutuş ýurt boýunça onlarça kompaniýanyň awtopark dolandyryşyny has aýdyň, amatly we tygşytly etmäge kömek edýär.

“Biziň maksadymyz diňe ulaglaryň ýerleşýän ýerini görkezmek däl. Biz tygşytlamaga, meýilleşdirmäge we dogry dolandyryş çözgütlerini kabul etmäge kömek edýän gural berýäris” diýip, HJ Akylly Tilsimat kompaniýasy belleýär.

Foto: HJ Akylly Tilsimat