Ýapon ýaşlary türkmen şahyry Magtymguly Pyragy bilen tanyşýar
15.03.2024 | 19:29 |
Türkmenistanyň Ýaponiýadaky ilçihanasy Magtymguly Pyragynyň döredijilik mirasyna bagyşlanan saýlama sapaklar görnüşinde medeni we bilim çärelerini geçirip başlady. Şu gün, 15-nji martda Tsukuba uniwersitetinde we Higaşi Osaka orta mekdebinde şeýle sapaklar geçirildi, şonda şahyryň milli medeniýetdäki roluny görkezýän eksponatlar hem hödürlendi.
Çärede Tsukuba uniwersitetiniň we Osaka Kýoiku uniwersitetiniň türkmen talyplary çykyşlary etdiler. Ilçihananyň habaryna görä, olar ýygnananlara häzirkizaman Türkmenistan, onuň içerki we daşary syýasatynyň esasy taraplary barada gürrüň berdiler we türkmen klassikleri, poeziýasy we ruhy garaýyşlary barada leksiýalar berdiler.
Ýapon talyplary we okuwçylary Türkmenistan baradaky bilimlerini giňeldip, bu çärelere işjeň gatnaşdylar. Umuman alanyňda, bu sapaklar ýurtlaryň we halklaryň arasyndaky medeni gatnaşyklaryň ösmegine we çuňlaşmagyna, ýaşlaryň beýleki medeniýetlere we umumadamzat mirasyna bolan gyzyklanmasyny höweslendirmäge gönükdirilendir.
ORIENT news
