Honor Magic8 Mini ykjam smartfonyny öndürmäge taýýarlanýar
20.08.2025 | 15:30 |
Insaýderleriň maglumatlaryna görä, Honor kompaniýasy täze Magic8 Mini smartfonyny öndürmäge taýýarlanýar. Bu model Honor Magic8 flagman tapgyrynyň bir bölegi bolar, emma has kiçi korpus bilen üpjün ediljekdir. Ölçeglerine garamazdan, bu smartfonyň örän güýçli batareýa bilen üpjün ediljegine garaşylýar.
Smartfon 6,3 dýuýmlyk ekran bilen üpjün ediljekdir, bu bolsa ony geljekde çykjak Samsung Galaxy S26 Pro modeliniň bäsdeşine öwürýär. Apple we Samsung kompaniýalarynyň ýokary derejeli modelleri bilen deňeşdirilende, Magic8 Mini has inçe korpusda has ykjam batareýa bilen üpjün ediljekdir. Şeýle hem, bu model Dimensity 9500 prosessorynda işlär, şol bir wagtyň özünde Honor Magic8 we Magic8 Pro modelleriniň Snapdragon çipsetini aljakdygy aýdylýar.
Honor Magic8 Mini modeliniň çykarylyşy 2026-njy ýylyň birinji ýarymynda bolup, bu wagt täze Samsung Galaxy S26 smartfonlarynyň çykmagyna hem garaşylýar.
ORIENT
