«Soýuzmultfilm» dürli ýyllaryň erteki şa gyzlary bilen Täze ýyla gysga filmi çykarar
30.09.2023 | 15:00 |
«Soýuzmultfilm» kinostudiýasynyň iň meşhur alty sany erteki şa gyzlary, täze «Şa gyzlary: erteki aýdymy» atly gysga animasion filmde peýda bolarlar. Multfilm şa gyzlary – «Soýuzmultfilm»-iň dürli ýyllardaky multiplikasiýa filmleriniň gahrymanlary, ilkinji görkezilşi ýylyň ahyryna meýilleşdirilýän Täze ýyl hekaýasynyň gahrymanlary bolarlar. Bu barada «Soýuzmultfilm»-iň baş prodýuseri Ýuliýa Osetinskaýa habar berdi.
Multfilm baýramçylyk we sazly bolar. Studiýanyň rowaýata öwrülen gahrymanlar hakda täze hekaýalary gürrüň berýän Täze ýyl üçin gysga filmleriniň döredilmegi, «Soýuzmultfilm»-iň däbine öwrüldi diýip, baş prodýuser aýdýar.
Şa gyzlarynyň 40-dan gowragy bolan şa zenanlary «Soýuzmultfilm»-iň ýygyndysyndan saýlandy. Emma animasion gysga filme kinostudiýanyň dürli taslamalaryndan iň meşhur şa gyzlary we şa zenanlary girdi. «Bremeniň sazandalary»-indan şa gyzy, «Uçýan gämi»-den Zabawa, adybir filmlerden Dýuýmowoçka we Zoluşka, «Şa gyz we Adamhor»-dan Gorkunç-Ajaýyp Şa gyzy, şeýle hem «Altyn horaz barada erteki»-den Şamahan şa zenany ekranlara dolanyp gelerler. Mazmuny boýunça gahrymanlar bäsleşige gatnaşmak üçin saz toparyna birleşmeli bolýarlar. Olaryň öňüne Şamahan şa zenanynyň guran päsgelçilikleri we hileleri çykar.
«Täze ýylyň öňüsyrasynda täsinlikler bolýar we şa gyzlarynyň iň gowy keşpleri ýene-de öz tomaşaçylary bilen duşuşmak we ýagty, meşhur kompozisiýany ýerine ýetirmek üçin birleşerler», — diýip taslama barada «Soýuzmultfilm»-iň baş prodýuseri Ýuliýa Osetinskaýa gürrüň berdi.
ORIENT news
Foto: alnext.ru
Şeýle hem okaň:
