Minsk şäherinde geçirilen kinofestiwalda türkmen filmi görkezildi
22.11.2023 | 20:51 |
“Daragt” atly türkmen filmi çarşenbe güni Belarus Respublikasynda geçirilen “Listopad” atly halkara film festiwalynyň çäklerinde tomaşaçylara görkezildi. Kinorežissýor Sahysalyh Baýramowyň filmi festiwalyň ýaryş meýilnamasyna hem girizilp, Minsk şäheriniň Merkezi kinoteatrda görkezildi.
Filme tomaşa etmäge Türkmenistanyň Belarus Respublikasyndaky ilçihanasynyň işgärleri, türkmen diasporasynyň wekilleri we türkmen talyplary, şeýle hem Minsk şäheriniň ýaşaýjylary ýygnandylar.
“Listopad” halkara film festiwaly şu ýyl 17-nji noýabrdan 24-nji noýabr aralygynda geçirilip, ol Belarusdaky iň uly film forumydyr. Bu festiwal her ýyl kino pudagynyň hünärmenlerini we köp ýurtlaryň meşhur medeni işgärlerini bir ýere jemleýär.
Belarusda akkreditlenen diplomatik wekilhanalaryň we halkara guramalarynyň wekilleri, Bilim ministrliginiň we Respublikanyň öňdebaryjy ýokary okuw mekdepleriniň ýolbaşçylary festiwalyň hormatly myhmanlary boldular.
Bu film forumynyň esasy maksady kino sungatyny wagyz etmek, Russiýada, GDA we Baltika ýurtlarynda we daşary ýurtlarda bitewi kinoteatr giňişligini döretmek, döredijilik gatnaşyklaryny ösdürmek we tejribe alyşmak, döredijilik ýaşlary kemala getirmekden ybaratdyr.
ORIENT news
