Biz ýakynlaşmagy ugur edinýäris

17-nji iýunda Astanada Türkmenistanyň Prezidenti Serdar Berdimuhamedow “Merkezi Aziýa — Hytaý” ikinji sammitiniň çäginde Hytaý Halk Respublikasynyň Başlygy Si Szinpin bilen duşuşdy.

Söhbetdeşligiň barşynda taraplar hyzmatdaşlygyň mundan beýläk-de ösdürilmegi üçin giň mümkinçilikleri belläp, iki ýurduň arasyndaky syýasy ynamyň we strategiki hyzmatdaşlygyň ýokary derejesini nygtadylar. Si Szinpin Hytaýyň Türkmenistan bilen bilelikde hyzmatdaşlygyň mümkinçiliklerini şol sanda “Bir guşak, bir ýol” başlangyjynyň we “Beýik Ýüpek ýoluny dikeltmek” strategiýasynyň çäginde doly açmaga üçin taýýardygyny mälim etdi.

Iki ýurduň arasyndaky tebigy gaz pudagynda hyzmatdaşlygy ösdürmek, maşyn gurluşygy we dokma senagaty ýaly ykdysadyýetiň çig mal däl pudaklarynda özara gatnaşyklary giňeltmek, söwda gurluşyny kämilleşdirmek meselesine aýratyn üns berildi. Döwlet Baştutanlary medeni alyş-çalşygy işjeňleşdirmek, medeni merkezleriň döredilmegini çaltlaşdyrmak, bilim pudagynda hyzmatdaşlygy çuňlaşdyrmak we halklaryň arasyndaky gatnaşyklary giňeltmek barada ylalaşdylar.

Howpsuzlyk meseleleri, şol sanda kiberhowpsuzlyk pudagyndaky hyzmatdaşlygy hem ara alyp maslahatlaşdy. Hytaý Türkmenistanyň Bütindünýä Söwda Guramasyna goşulmak isleglerini goldaýandygyny aýtdy we ýurduň hemişelik bitarap döwlet hökmünde sebitdäki durnuklylygy üpjün etmek ugrundaky tagallalaryna ýokary baha berdi.

Serdar Berdimuhamedow hem öz gezeginde türkmen-hytaý gatnaşyklarynyň hemmetaraplaýyn ösdürilmeginiň strategiki ähmiýetini belledi we ikitaraplaýyn hyzmatdaşlygy ykdysady gatnaşyklaryň şeýle-de halkara guramalarynyň, şol sanda BMG-niň derejesinde giňeltmäge taýýardygyny mälim etdi.

Duşuşygyň jemleri boýunça döwlet Baştutanlary Ykdysady we tehniki hyzmatdaşlyk baradaky hökümetara ylalaşygyna gol çekişlik dabarasyna gatnaşdylar diýip, hytaý Lideriniň metbugat gullugy habar berdi.

ORIENT

Foto: chinadaily.com