Biz ýakynlaşmagy ugur edinýäris

Reuters agentliginiň çeşmeleriniň habar bermegine görä, meşhur ChatGPT çat-botunyň döredijisi bolan OpenAI kompaniýasy emeli aň binýadynda işleýän özbaşdak internet brauzerini ýakyn wagtda işe girizmäge taýýar. Bu ädim Google Chrome ýaly ägirt brauzerler üçin hakyky bäsdeşligi döredip, internetde gözden geçirmek adaty usulyny düýpgöter üýtgedip biler. Täze platformanyň ýakyn hepdelerde elýeterli bolmagyna garaşylýar. OpenAI bu barada heniz resmi düşündiriş bermedi.

Içerki çeşmeleriň berýän maglumatlaryna görä, täze brauzeriň birnäçe möhüm aýratynlygy bolar. Olaryň arasynda aýratyn çat interfeýsi bolar we ulanyjylar dürli işleri başga saýtlara geçmezden göni şonda ýerine ýetirip bilerler. Bu bolsa OpenAI-nyň öz hyzmatlaryny ulanyjylaryň gündelik durmuşyna çuňňur integrasiýa etmäge gönükdirilen giň strategiýasynyň bir bölegidir.

Bilermenleriň pikirine görä, esasanam, 500 milliondan gowrak işjeň ChatGPT ulanyjysy bu täze çözgüt bilen gyzyklanan ýagdaýynda, täze brauzer tutuş internet brauzer ulgamyna täsir edip biler. Web gurşawyna göni elýeterlilik arkaly, OpenAI emeli aň bilen işleýän agentlerini dürli ulanyjy wezipelerini ýerine ýetirmäge uýgunlaşdyryp biler: hyzmatlary öňünden sargyt etmekden başlap, formalaryň awtomatiki usulda doldurylmagyna çenli.

ORIENT

Foto: Unsplash