Awaza BMG-niň forumynyň öňisyrasynda – Halk Maslahatynyň Başlygy taýýarlyklary gözden geçirdi
09.07.2025 | 01:07 |
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Balkan welaýatyna iş saparyny amala aşyrdy. Saparyň maksady, awgust aýynda geçiriljek, BMG-niň Deňze çykalgasy bolmadyk ösüp barýan döwletler boýunça üçünji maslahatyna (LLDC3) görülýän taýýarlyk işleriniň ýagdaýyny seljermekden ybarat boldy. Bu forum Hazaryň ajaýyp kenarynda ýerleşýän “Awaza” köpugurly sport toplumynda geçirilip, müňlerçe wekiliýetleri kabu eder.
Bu ýerde Gurbanguly Berdimuhamedow halkara foruma taýýarlyk işleriniň gidişi bilen tanyşdy. Halk Maslahatynyň Başlygy öňde boljak forumyň syýasy, ykdysady, durmuş we ynsanperwerlik ugurlar boýunça möhüm ähmiýetini aýratyn belledi. Şunuň bilen baglylykda, türkmen halkynyň Milli Lideri Türkmenistanyň halkara hyzmatdaşlyga, ilkinji nobatda, BMG tarapyndan amala aşyrylýan uzak möhletleýin, giň möçberli strategiýalara, maksatnamalara saldamly goşant goşýandygyny aýratyn nygtady.
Halk Maslahatynyň Başlygy forumda kabul ediljek kararlaryň gatnaşyjy ýurtlaryň arasyndaky gatnaşyklaryň ösdürilmegine kuwwatly itergi berjekdigine ynam bildirdi. Türkmenistanyň BMG-niň möhüm başlangyçlary üçin meýdançany üpjün etmegi ilkinji gezek däldir: 2016-njy ýylda BMG-niň Durnukly ulag ulgamy boýunça birinji ählumumy maslahaty, 2022-nji ýylda bolsa BMG-niň howandarlygynda deňze çykalgasy bolmadyk ösüp barýan döwletleriň ulag ministrleriniň maslahaty geçirildi. Bu wakalar, Türkmenistanyň ählumumy çagyryşlary üstünlikli çözmekligi we Durnukly ösüş maksatlaryna ýetmek boýunça tagallalary utgaşdyrmagy baş maksat edinýändigini görkezýär.
Gözden geçirilişiň dowamynda wagtynda Halk Maslahatynyň Başlygy iň ýokary derejesini üpjün etmäge gönükdirilen birnäçe anyk we jikme-jik görkezmeler berdi. Olaryň arasynda: maglumat we tehnologiki enjamlaryň ornaşdyrylmagyny, rahatlyk we myhmansöýerlik, howpsuzlyk we infrastruktura, žurnalistler üçin ähli zerur şertleriň döredilmegi, aragatnaşyk we internet ulgamlarynyň üpjünçiligi we meýletinçi-ýardamçylaryň işi.
Degişli düzümleriň ýolbaşçylarynyň hasabatlaryndan soň, Gurbanguly Berdimuhamedow her bir wezipäniň jikme-jik işlenip taýýarlanylmalydygyny nygtady. Halk Maslahatynyň Başlygy halkara derejeli çäreleri geçirmekde oňyn tejribe toplandygyna ünsi çekip, bu Maslahatyň ýokary derejede geçirilmegini üpjün etmek üçin gatnaşyjy döwletleriň ählisi üçin möhüm waka öwrülmegi üçin ähli tagallalaryň edilmelidigini aýratyn nygtady.
ORIENT
