Moskwanyň “Dutaryň owazlary” festiwaly Magtymgulynyň 300 ýyllygy mynasybetli birnäçe çäreleri geçirer
30.01.2024 | 19:35 |
2024-nji ýylda türkmen şahyry Magtymguly Pyragynyň 300 ýyllygynyň bellenilmegi ÝUNESKO-nyň belli şanly seneleriniň sanawyna girizildi, bu nusgawy şahyryň döredijiliginiň ajaýyp köptaraply we dowamly gymmatyny hem-de dünýä medeniýetindäki ähmiýetini tassyklaýar.
Magtymgulynyň döredijiliginiň ähmiýetiniň halkara derejesinde ykrar edilmegi, dünýäniň dürli ýurtlarynda bu şanly sene mynasybetli medeni çäreler bilen bellendi. Russiýa Federasiýasynyň ýaşaýjylary üçin Nury Halmamedow adyndaky “Dutaryň owazlary” VIII Moskwa halkara sungat festiwalynyň guramaçylyk topary, Magtymgulynyň 300 ýyllygyna bagyşlanan dürli we baý meýilnama taýýarlap, şahyr-filosofyň adamzada miras galdyran ruhy baýlyk gurşawyny iň ýokary derejede ýagtylandyrmagy maksat edindi.
Köp kompozitorlar Magtymgulynyň eserlerine ýüzlendiler. Onuň güýçli täsiri bilen, türkmen halkynyň başga bir zehini - “Dutaryň owazlary” festiwalyna ady dakylýan Nury Halmamedowyň eserlerinde öz beýanyny tapdy. Halmamedow 19 ýaşynda Pyragynyň goşgularyna esaslanyp ilkinji romansyny ýazdy. Ömründe eýýäm köp zatlary başdan geçiren ýaş Nury üçin Magtymgulynyň “ Pukaraýam” goşgusynyň setirleri çekimsiz bolup çykdy. Ýaşlara mahsus bolan dünýä tragiki düşünjesiniň artmagy bilen, Watanyndan mahrum edilen adamyň derdini we hasratyny aýdym-sazda düşünmegi we beýan etmegi başardy. Magtymgulynyň goşgularyna esaslanýan Halmamedowyň wokal sikli dünýäniň aýdym-saz eserlerinden biridir.
“Dutaryň owazlary” festiwalynyň guramaçylyk komiteti beýik şahyr Magtymguly Pyragynyň doglan gününiň 300 ýyllygyny bellemek üçin taýýarlanan çäreler barada gürrüň berdi. Ine, olaryň gysgaça beýany:
-Magtymguly Pyragynyň medeni mirasyna bagyşlanan okyjylaryň “Sözler älemi” halkara edebi bäsleşigi şahyryň Merkezi Aziýa we Ýakyn Gündogara bagyşlanan rus edebiýatynyň eserlerini tanatmaga gönükdirilendir. Emin agzalaryň hataryna Russiýa Federasiýasynyň we Türkmenistanyň medeniýet we sungat işgärleri, teatr we kino sungatynyň işgärleri, professorlar, teatr okuw mekdepleriniň mugallymlary girýär.
-Russiýanyň sungat akademiýasynyň we ÝUNESKO-nyň Şekillendiriş sungaty we binagärlik kafedrasynyňň howandarlygynda Magtymgulynyň “Oýlanma” goşgulary üçin illýustrasiýa bäsleşigi geçiriler, onda iki görnüşli sungat şekillendiriler: surat we grafika. Bäsleşigiň netijelerine esaslanyp, Russiýanyň Sungat akademiýasynda we Russiýanyň döwlet kitaphanasynyň Gündogar edebiýaty merkezinde iň oňat eserleriň sergisi geçiriler we bäsleşigiň finalçylarynyň eserleri bilen çeper we şahyrana albomy bolar.
-Ýewraziýa we Russiýa kompozitorlar bileleşiginiň howandarlygynda “Magtymguly Pyragynyň goşgularyna esaslanýan saz eserleri” kompozitorlar bäsleşigi geçiriler. Bäsleşik dünýä medeniýetiniň ajaýyp mirasyny tanatmak, dürli aýdym-saz stillerinde we žanrlarda hödürlenen häzirki zaman kompozitorlarynyň eserlerini wagyz etmek, häzirki zaman ýerine ýetiriş repertuaryny baýlaşdyrmak we beýik türkmen şahyrynyň we ХVIII asyryň filosofynyň şahyrana mirasyna ünsi çekmek üçin niýetlenendir. Bäsleşigiň emin agzalaryna Russiýadan we Türkmenistandan tanymal kompozitorlar, saz öwrenijiler we wokal mugallymlary çagyryldy.
-“Paýhas däneleri: Beýik akyllardan sapaklar” taslama bäsleşigi. Bäsleşigiň maksady orta we ýokary okuw mekdepleriniň ýaşlarynyň ünsüni özüne çekmek we orta mekdepleriň çagalaryny Magtymguly Pyragynyň durmuşynyň we dňredijiliginiň nusgasy bilen dürli halklaryň edebi hem-de aýdym-saz döredijiliginiň baýlygy bilen tanyşdyrmak meselesini çözmäge gyzyklanma döretmekden ybaratdyr. Bäsleşigiň işi wideorolikden ýa-da görkezişden ybaratdyr.
-Russiýanyň Döwlet kitaphanasynyň aýdym-saz neşirleri we ses ýazgylary bölümi bilen bilelikde 29-njy oktýabrda Paşkowyň öýünde “Magtymguly we onuň dünýä medeniýetindäki orny” atly Halkara ylmy-amaly maslahaty geçiriler.
-Festiwal ägirt uly gala konserti bilen tamamlanar, şonda kompozitor Mämmet Guseýnowyň “Magtymguly Pyragynyň monologlary” mono-operasy ýerine ýetiriler.
Wakalary şu web sahypasynda yzarlap bilersiňiz: www.dutar-sounds.ru
ORIENT news
