Belarusyň Ýazyjylar birleşigi Magtymgulynyň ýubileý dabarasyna goşulýar
23.02.2024 | 20:35 |
Türkmenistanyň Minskdäki ilçisi Nazarguly Şagulyýew 23-nji fewralda Belarusyň Ýazyjylar birleşiginiň başlygy, “Zwezda” neşirýatynyň direktory, baş redaktory Aleksandr Karlýukewiç bilen duşuşdy.
Türkmen tarapyndan başlangyjy bilen başlanan bu duşuşyk medeni we ynsanperwer ugurdaky özara gatnaşyklar meselelerini ara alyp maslahatlaşmaga bagyşlandy. Ilçi, 2024-nji ýylda beýik türkmen şahyry we akyldary Magtymguly Pyragynyň 300 ýyllygynyň bellenilmegi we bu waka bilen baglanyşykly Türkmenistanda we beýleki ýurtlarda geçirilýän çäreler barada Karlýukewiçe gürrüň berdi.
Aleksandr Karlýukewiç hem öz gezeginde Belarusyň Ýazyjylar bileleşiginiň we “Zwezda” neşirýatynyň Magtymguly Pyragynyň edebi eserleri barada materiallary çap etmek we onlaýn neşirlerinde neşir etmek üçin saýlamaga taýýarlanýandygyny şeýle hem, onuň goşgularynyň belarus ýazyjylary tarapyndan belarus diline täze terjime edilendigini aýtdy.
Şagulyýew we Karlýukýewiç bu şanly sene mynasybetli Belarusyň Ýazyjylar birleşiginde bilelikdäki tegelek stol we döredijilik agşamyny geçirmek meýilnamalaryny beýan etdiler. Olar bu çärelere belarus we türkmen talyplaryny goşmak bilen ýaşlary işjeň çekmegiň möhümdigini biragyzdan aýtdylar. Magtymgulynyň eserleriniň bilelikdäki sergisini geçirmek barada ylalaşyk gazanyldy, onda Pyragynyň goşgularynyň dürli dillerde şol sanda belarus we rus dillerinde terjimeleri hödürlener.
ORIENT news
