Aşgabatda “Halkara söwda we hyzmatlar” sergi-ýarmarkasy açyldy Orient

Aşgabatda “Halkara söwda we hyzmatlar” sergi-ýarmarkasy açyldy

29.04.2025 | 14:10 |

Şu gün Türkmenistanyň Söwda-senagat edarasynda “Halkara söwda we hyzmatlar” sergi-ýarmarkasynyň dabaraly açylşy bolup geçdi. Sergi 1-nji maýa çenli dowam eder.

ITSE 2025 halkara giňişligine çykmak isleýän kiçi we orta telekeçiligi goldamaga we ösdürmäge gönükdirilen ýöriteleşdirilen meýdança bolup durýar. Sergi halkara söwda gatnaşyklaryny pugtalandyrmak, ileri tutulýan daşary ýurtly bazarlar bilen aragatnaşyklary ýola goýmak hem-de gatnaşyjylaryň eksport mümkinçiligini höweslendirmek üçin netijeli gural bolmaly. ITSE 2025 sergisiniň üç gününiň dowamynda gatnaşyjylar özüniň işewürlik gözýetimlerini giňeltmäge, möhüm işewürlik aragatnaşyklary ýola goýmaga hem-de söwdanyň we hyzmatlaryň dürli ugurlary boýunça öňdebaryjy tejribeleri alyşmaga ajaýyp mümkinçiligini alar.

Sergi täze işläp taýýarlamalaryň, harytlaryň we hyzmatlaryň görkezilmegi üçin kämil platforma bolup, mümkin bolan müşderileri we maýadarlary özüne çekýär. Serginiň maksatnamasy özara bähbitli hyzmatdaşlygy gurmaga ýardam berýän networkingiň dürli sessiýalaryny, duşuşyklary öz içine alýar. ITSE 2025 sergisi öz meýdançasynda eksport edijileri we öndürijileri, täze harytlaryň we üpjün edijileriň gözlegindäki bölekleýin we lomaý ulgamynyň wekillerini, halkara derejesinde iş alyp barýan sowda bilermenleri we işewür-maslahatçylary, şeýle hem elektron täjirçilik pudagyndaky telekeçileri hem-de söwdanyň we hyzmatlaryň ösüşi üçin innowasion çözgütleri hödürleýän tehnologiki öňdebaryjylary jemledi. Bu ýerde iýmit önümleriň önümçiliginde iň täze işläp taýýarlamalar, oba hojalygyndaky innowasion tehnologiýalar, şeýle hem oba hojalyk önümleriniň we azyk harytlaryň eksporty we importy üçin mümkinçilikler görkezilendir. Şeýle hem, sergi halk tarapyndan ulanylýan harytlaryň we senagat önümleriň giň görnüşini, şeýle hem dürli hyzmatlary, şol sanda logistika, maliýe, konsalting we beýleki hyzmatlary hödürläp, söwda üçin täze bazarlary we hyzmatlary hödürlemek boýunça hyzmatdaşlary tapmaga ýardam berýär. ITSE 2025 sergisinde elektron täjirçilik pudagyndaky öňdebaryjy çözgütler we tehnologiýalar, şol sanda onlaýn-işewürligi halkara derejede ösdürmek üçin onlaýn-söwda üçin platformalar, töleg ulgamlary, sanly marketing gurallary görkezilendir. Gelen myhmanlaryň ünsüne durmuş tehnikasyndan we elektronikadan başlap, öý üçin harytlara, egin-eşiklere we aýakgaplara çenli harytlaryň giň görnüşleri hödürlenilýär. Sergi el işleriniň ajaýyp önümleriniň, däbe öwrülen hünärmentçiligiň we halk senetçiliginiň önümleriň görkezilmegi üçin platforma bolup, medeni mirasyň ilerlemegine hem-de senet önümleri üçin halkara bazarlaryň tapylmagyna ýardam berýär.