Biz ýakynlaşmagy ugur edinýäris

Türkmenistanda täze elektron we sanly tehnologiýa senagaty çalt depginde ösdürilýär we “Aýdyň Gijeler” hojalyk jemgyýeti bu özgerişleriň öňde hataryndadyr. Ýokary tehnologiýaly önüm öndürmekde eýýäm özüni milli marka hökmünde görkezen bu kompaniýa, ýurtda tehnologiki ösüşi ep-esli çaltlaşdyrmagy wada berýän birnäçe strategiki halkara hyzmatdaşlyga girmek arkaly öz ornuny berkitdi. Bu möhüm ylalaşyklar 24-25-nji maýda geçirilen we öňdebaryjy üstünlikleri görkezmek üçin kuwwatly meýdança öwrülen “Ak şäherim Aşgabat” atly XXIV köpugurly halkara serginiň we maslahatyň çäginde gol çekildi.

Innowasiýa sergisinden akylly şäherlere çenli

Iki ýüzden gowrak içerki we daşary ýurt kompaniýasyny birleşdiren “Ak şäher Aşgabat” sergisinde “Aýdyň Gijeler” kärhanasynyň stendi iň ajaýyp we interaktiw merkezleriň birine öwrüldi. Hödürlenen çözgütleriň arasynda – şäher ilatynyň ýaşaýşynyň hiline we şäher gurşawynyň howpsuzlygyna gönüden-göni täsir edýän çözgütler bar. Kompaniýa, häzirki zaman şäher gurşawyny we sanly geljegi emele getirmekde esasy ornuny görkezip, özüniň öňdebaryjy ösüşleriniň giň toplumyny hödürledi:

• Ýol howpsuzlygyny we netijeliligini ep-esli ýokarlandyrýan akylly swetoforlaryň täze nesli.

• Energiýa netijeliligini, ygtybarlylygyny birleşdirýän häzirki zaman LED sütünleri.

• Bank we SIM-kartalar berk halkara howpsuzlygy we hil standartlaryna laýyklykda öz kuwwaty bilen öndürilýär.

• Telekommunikasiýa we infrastruktura taslamalary üçin kabel önümleriniň giň görnüşleri.

• Dürli meseleler üçin niýetlenen 10, 12 we 13 dýuým diagonally planşetleriň täze modelleri.

Esasanam emeli aňyň esasynda işlenip düzülen akylly robot myhmanlary haýran galdyrdy. Bu diňe bir stendiň ýüzi bolman, eýsem sanly geljegiň eýýäm häzirki döwrüň bir bölegine öwrülendiginiň aýdyň subutnamasy boldy. Tabşyryklary ýerine ýetirmek, maglumatlary hakyky wagtda seljermek we daşky gurşaw bilen özara täsir etmek ukyby ösen sanly tehnologiýalaryň gündelik durmuşa ornaşmagynyň aýdyň mysaly boldy.

Şeýle abraýly çärä gatnaşmak “Aýdyň Gijeler” kärhanasynyň häzirki zaman Aşgabadyň keşbiniň üýtgemegine işjeň goşant goşup, innowasiýalary durmuşa ornaşdyrmaga we içerki önümçiligi ösdürmäge bolan islegini tassyklady.

Uly göwrümli maýa goýumlary we strategiki bileleşikler: 2025-2030-njy ýyllar üçin

Serginiň esasy pursaty “Aýdyň Gijeler” bilen Hytaýyň öňdebaryjy kompaniýalarynyň arasynda 2030-njy ýyla çenli döwri öz içine alýan birnäçe strategiki hyzmatdaşlyk boýunça ylalaşyga gol çekilmegi boldy. Bu gazanylan ylalaşyklar Türkmenistanyň ýokary tehnologiýaly pudagynyň ösüşinde täze tapgyra öwrüldi:

• Sanly infrastruktura we serwer önümçiligi: Türkmenistanyň sanly infrastrukturasyna maýa goýumlaryny, “EMELI AŞ” ugry boýunça taslamalary bilelikde ösdürmegi we serwer enjamlarynyň ýerli önümçiligini guramagy üpjün edýän “Inspur Software Co., LTD” kompaniýasy bilen 100 million ABŞ dollaryna barabar maýa goýum taslamasyna gol çekildi. Mundan başga-da, bilim edaralaryny sanlaşdyrmak boýunça hyzmatdaşlyk etmek hakynda Ähtnama gol çekildi.

• Dünýä derejesindäki LED tehnologiýasy: “Unilumin Group Co., LTD” (ABŞ-nyň 25 million dollarlyk taslamasy) bilen baglaşylan şertnamasynda, FIFA, NBA we Olimpiýa derejesiniň standartlaryna laýyk gelýän LED ekranlary we yşyklandyryjylary bilelikde öndürmegi we gurmagy göz öňünde tutýar.

• Ýokary tehnologiýaly LED yşyklandyryş: “Shenzhen Lepower Opto Electronics Corp., LTD” (35 million ABŞ-nyň dollary) bilen hyzmatdaşlygy, LED optiki çipleri oturtmaga we Ýaponiýanyň “SMT” tehnologiýasy esasynda LED yşyklandyryş tagtalaryny öndürmäge gönükdirilendir.

• Akylly şäher enjamlary: “Yangzhou Fama Intelligent Equipment Co., LTD” (50 million ABŞ-nyň dollary) bilen strategiki maýa goýum şertnamasy akylly aragatnaşyk we häzirki zaman şäher gurluşyk enjamlaryny bilelikde ösdürmäge we öndürmäge gönükdirilendir.

• Kompýuterleriň we planşetleriň önümçiliginiň lokalizasiýasy: “Shenzhen Alldocube Science And Technology Co., LTD” (10 million ABŞ-nyň dollary) we “Shenzhen Qisheng Electronics Co., LTD” (15 million ABŞ-nyň dollar) bilen strategiki şertnamalar zerur ammar infrastrukturasynyň döredilmegi bilen “Windows” we “Android” ulgamlaryna esaslanýan kompýuterleriň we planşetleriň, şeýle hem häzirki zaman monobloklaryň hem-de ofis kompýuterleriniň bilelikde önümçiligini döretmäge mümkinçilik berer.

Bu şertnamalar diňe täjirçilik şertnamalary däl, eýsem Türkmenistanyň önümçilik kuwwatyny ýokarlandyrmak, öňdebaryjy tehnologiýalary ornaşdyrmak we öňdebaryjy dünýädäki hyzmatdaşlar bilen uzak möhletleýin gatnaşyklary ösdürmek üçin strategiki ädimdir. Lokalizasiýa we tehnologiki garaşsyzlyga ünsi jemläp, logistika çemeleşmelerine täzeden garamak “Aýdyň Gijeler” HJ-e çalt ösýän sanly dünýäde durnukly orny eýelemäge we içerki hem-de halkara bazarlarda bäsdeşlige ukuplylygy berkitmäge mümkinçilik berýär.

Aşgabadyň sanly üýtgeşmelerde esasy hyzmatdaşy

“Aýdyň Gijeler” HJ “Ak şäherim Aşgabat” atly XXIV köpugurly halkara maslahatyň altyn hyzmatdaşy hökmünde çykyş etdi. Bu bolsa onuň paýtagtyň şäher infrastrukturasyna sanly ulgamyň ornaşdyrylmagynda esasy ornuny tassyklady. Bu masalahat,” akylly” şäheriň ösüşinde emeli aňyň, internet zatlarynyň we ekologiýa taýdan arassa tehnologiýalaryň integrasiýasyna aýratyn üns bermek bilen gurluşyk, ulag, energiýa we şäher gurluşygynda innowasion çözgütleriň durmuşa geçirilişini ara alyp maslahatlaşmak üçin meýdança boldy. Bu bolsa “Aýdyň Gijeler” kärhanasynyň diňe bir aýratyn ulgamlary däl, eýsem tutuş şäher gurşawyny özgertmekde köp derejeli gatnaşygyny görkezýär.

Aşgabat şäherine gelip gören halkara hyzmatdaş kompaniýalaryň wekilleri şäher gurşawyny ösdürmäge gönükdirilen bilelikdäki taslamalara çuňňur gyzyklanma bildirdiler. Bu “Aýdyň Gijeler” HJ-niň ygtybarly we tehnologiki taýdan ösen hyzmatdaş hökmünde ösýän halkara abraýyna ünsi çekýär.

“Aýdyň Gijeler” kompaniýasy innowasiýa, rahatlyk we daşky gurşawa idegi birleşdirýän häzirki zaman megopolis hökmünde Aşgabadyň ösüşine goşan goşandyna buýsanýar. Häzirki wagtda “Aýdy Gijeler” HJ önümçilik kompaniýasy derejesinde has-da ýokarda. Türkmenistanyň sanly geljegi bolan ýurt hökmünde keşbini emele getirýän öňdengörüjilikli oýunçy. Kompaniýanyň her täze taslamasy tehnologiki garaşsyzlyga, ýurduň abraýyny pugtalandyrmaga we amatly, akylly ýaşaýyş gurşawyny döretmäge tarap ädimdir.

ORIENT

Foto: «Aýdyň Gijeler»