Biz ýakynlaşmagy ugur edinýäris

Şu ýyl, Nury Halmämmedowyň adyny göterýän “Dutaryň owazlary” IX Moskwa halkara festiwaly möhüm senelere gabat geldi: Beýik Watançylyk urşunda gazanylan Ýeňşiň 80 ýyllygy we Halkara parahatçylyk we ynanyşmak ýyly. Şunuň bilen baglylykda, festiwalyň guramaçylyk komiteti ýeňijileriň nesline çuňňur hormat goýup, Myrat Sadykowyň adyny göterýän ýörite baýragy döretmek kararyna geldi.

Bu baýrak Beýik Watançylyk urşuna gatnaşan kompozitorlaryň eserlerini ýa-da şol pajygaly ýyllaryň wakalaryna we gahrymanlaryna bagyşlanan eserleri ýerine ýetirmek üçin wokal we ansambl-hor görnüşinde çykyş etýänlere berler. Bu karar taryhy hakydany goramagyň möhümdigini nygtaýar we uruş ýyllarynyň aýdym-saz mirasynyň meşhur bolmagyna ýardam edýär.

Myrat Sadykow – Sowet we türkmen aýdym-sazynyň taryhynda belli şahsyýet, görnükli aýdymçy, lirikaçy, meşhur “Güneş” ansamblyny esaslandyryjy we hemişelik ýolbaşçysy. Türkmenistan SSR-iň aýdym-saz medeniýetiniň ösmegine goşan goşandy üçin oňa Halk artisti diýen hormatly at berildi.

Sadykowyň döredijiligi tutuş Sowet Soýuzynda giňden meşhurlyk gazandy, onuň aýdym-saz kompozisiýalary Kaliningraddan Wladiwostoka çenli diňleýjileriň ýüreginde gyzgyn seslenme tapdy. Myrat Sadykowyň aýdym-saz ýoly ýetginjeklik ýyllarynda başlandy: alty ýaşyndan Aşgabadyň hassahanalarynda bejergi alýan ýaraly esgerleriň öňünde konsertler bilen çykyş edýär.

1970-nji ýylda gysga wagtda ählihalk ykraryna eýe bolan “Güneş” wokal we instrumental ansamblyny döretmek başlangyjyny öňe sürýär. Myrat Sadykowyň we ansamblynyň şöhraty SSSR-iň çäklerinden has uzaklara ýaýrady. Ansamblyň gastrollarynyň geografiýasy Germaniýa, Çehoslowakiýa, Bolgariýa, Mongoliýa, Kanada, Afrika yklymynyň ýurtlary we Wýetnam ýaly köp sanly ýurtlary öz içine aldy. Medeniýetiň ösmegine goşan goşandy üçin Wýetnam Sosialistik Respublikasynda Myrat Sadykowa “Dostluk ordeni” gowşuryldy we “Hoşimin şäheriniň hormatly raýaty” diýen ada eýe boldy

1983-nji ýylda ansamblyň Ýaşyl burun adalary (Kabo-Werde Respublikasy), Senegal, Gwineýa we Gwineýa-Bissau ýaly Afrika yklymynyň birnäçe ýurtlaryna gastrollary boldy. Myrat Sadykowyň ýolbaşçylygyndaky “Güneş” ansambly abraýly halkara aýdym-saz bäsleşikleriniň baýraklaryna eýe boldy, şolaryň arasynda Polşanyň “Ýaşyl gura” (“Зелена Гура” 1978), Gruziýada “Bahar ritmleri” festiwaly (1980) we Ermenistanda Bütinsoýuz estrada aýdym-saz bäsleşigi (1981) bellärliklidir.

1970-nji ýyldan 1985-nji ýylar aralygynda Myrat Sadykow Moskwanyň konsert meýdançalarynda ýygy-ýygydan myhman bolupdy. Moskonsert onuň çykyşlaryny guramak üçin yzygiderli haýyşlary alýardy. Artist, Moskwanyň kärhanalarynyň husunda ZIL kärhanasynyň işgärleriniň öňünde şeýle hem Kärdeşler Arkalaşygynyň Sütün zaly, Döwlet Kreml Köşgi, Estrada Teatry we Bolşoý Teatry ýaly merkezi konsert meýdançalarynda çykyş etdi. Myrat Sadykowyň konsertleri Merkezi telewideniýede ýaýlyma berildi. Bu bolsa onuň tutuş soýuzda şöhratyna goşant goşdy. Onuň Leningraddaky çykyşlary hem az üstünlik getirmedi.

Myrat Sadykowyň döredijilik mirasynyň möhüm tarapy, onuň aýdym döretmegiň meşhurlygyna goşan goşandy. Onuň ýerine ýetirmegindäki “Garaýagyz zenan” (“Смуглянка”) aýdymy “Diňe garrylar söweşe gidýär” (režissýor Leonid Bykow, 1973 ýyl) atly belli filminiň ses ýazgysyna girizildi. Aýdymçynyň repertuaryndaky “Ene hakda aýdym”, “Rus meýdançasy”, “Durnalar”, “Katýuşa” ýaly rus halk we watançylyk aýdymlary ähmiýetli orny eýeledi şeýle hem özüniň ak ýürekliliginiň we yhlasynyň netijesinde diňleýjileriň söýgüsini gazandy.

Myrat Sadykow adyndaky baýragy, “Dutaryň owazlary” festiwalynyň çäginde etniki medeni däp-dessurlara esaslanýan akademiki aýdym-sazlary iň gowy ýerine ýetirmek üçin dürli hünärlerdäki sazandalar-ýerine ýetirijiler bäsleşiginiň ýörite baýraklarynyň sanawynyň üstüni ýetirdi. Häzirki wagtda aşakdaky ýörite baýraklar döredildi: Bäsleşigiň hyzmatdaşlarynyň aýratyn karary bilen, okuwçylaryň arasynda ýaryşa gatnaşyjylar üçin ýyllyk stipendiýa görnüşinde ýörite “Umyt” baýraklary berilýär: biri A-C kategoriýalarynda (mekdep okuwçylary üçin) we D-E kategoriýalarynda (talyplar üçin).

Bäsleşik eminleri esasy baýraklardan başga-da, sungatyň görnükli wekilleriniň hatyrasyna döredilen ýörite baýraklary bermäge haklydyr. Hususan-da, meşhur kompozitor Nury Halmämmedowyň meşhur opera aýdymçylary Medeniýet Şahberdiýewanyň we Maýa Kulyýewanyň adyny göterýän baýraklar bar.

Bu atly baýraklar, gatnaşyjylaryň zehin aýratynlyklaryny görkezmek we döredijilik ösüşini hem-de saýlan işlerinde hünär kämilligini höweslendirmek maksada hyzmat edýär. Bu baýraklaryň gowşurylmagy ýokary derejede ykrar edilmegiň alamaty we baýraga mynasyp bolanlaryň mundan beýläk-de ösmegine goşant goşýar diýip, “Dutaryň owazlary” festiwalynyň Guramaçylyk komitetinde bellenip geçildi.

ORIENT

Foto: “Dutaryň owazlary” festiwalynyň Guramaçylyk komiteti